Лекциите стануваат игра

Платформа за интерактивно совладување на секојдневните училишни лекции

Секое дете може да ја разбере лекцијата

Flip.mk ги претвора лекциите од наставната програма во интерактивни мисии со приказна, цел и нивоа, како игра. Детето истражува, пробува и самото доаѓа до решението, со помош чекор по чекор, наместо да добие готов одговор. Учи дома, самостојно или со родителот, а на час заедно со целото одделение. Така детето учи со разбирање, а не напамет.

  • Лекции од наставната програма
  • Прегледани од стручни лица
  • Безбедно за детето
  • Дома и на час

Проект на Здружението Астера, во соработка со Пинтек.

Вистински лекции од апликацијата: детето предвидува, пробува и гледа што се случува. Допрете ја сцената и пробајте сами.

Учење со разбирање: и дома, и на час

Една лекција – два начина на учење: дома, како мисија за детето, и на час, како повторување со целото одделение.

За семејства

Учење дома, самостојно, но и со родителот

  • Лекциите од денешниот распоред на часови, секоја како мисија од 15 до 20 минути
  • Помош чекор по чекор, без готови одговори
  • Родителот ги избира интересите, времето и тестот за проверка на наученото
Придобивки за семејствата

За училишта

Забавно учење за време на час

  • Наставникот ја прикажува мисијата на голем екран
  • Учениците заеднички доаѓаат до одговорите
  • Низ игра, учењето станува забавно и блиско до децата
Придобивки за училиштата

Зошто Flip.mk

Децата не го совладуваат материјалот подеднакво. Она што не го разбрале добро може да им создаде потешкотии во понатамошното учење. Учењето често им станува обврска што ја избегнуваат, а помошта на интернет мисли наместо нив. Родителот гледа оценка, но не и што точно не е разбрано. Flip.mk е одговорот: учење низ игра, усогласено со наставната програма, што води до вистинско разбирање.

Учење низ игра

Децата го познаваат светот на игрите: мисии, нивоа, награди. Flip.mk го користи истиот јазик. Затоа учењето не го доживуваат како уште една школска обврска, туку како игра што сакаат да ја играат.

Игра, а не квиз

Flip.mk не е тест со прашања. Секоја лекција е мисија со приказна, цел и нивоа, како во игрите што децата веќе ги сакаат.

Она што се учи на час, како игра

Секоја лекција е посебно приспособена: детето истражува, поврзува, комбинира и создава. Лекцијата е интерактивна сцена што детето ја менува, работилница со инструментите од учебникот или ситуација со улоги. Така го совладува она што го учи на час, без да помисли „сега и ова треба да го учам“.

Од „мора“ до „сакам“

Желбата доаѓа од самата игра: нивото што се достигнува, наградите што се собираат, мисијата со цел. Без притисок, без казни и оценки. Учење низ игра.

Целта е детето да учи затоа што сака да ја заврши мисијата, а не затоа што мора.

  1. Готов одговор од интернет

    Задачата е решена, но ништо не е научено.

    Помош чекор по чекор

    Прашања што го поттикнуваат детето самостојно и логички да дојде до решение.

  2. „Неточно“, без објаснување

    Детето не знае зошто згрешило.

    Помош конкретно за грешката

    За секоја погрешна опција може да се побара помош. Помошта се дава како прашање или насока за логичко размислување.

  3. Дефиниција без логичко разбирање

    Поимот се памети, но не се разбира.

    Прво истражување, поимот на крај

    Детето гледа и прави во сцената, а поимот е име за она што веќе го разбрало.

  4. Едно темпо за сите

    Она што не е добро научено денес може да создаде потешкотии утре.

    Секое дете со свое темпо

    Мисијата продолжува таму каде што застанала, а она што недостига се вежба пред следната тема.

  5. Родителот гледа само оценка

    Не знае што точно не е разбрано.

    Неделен преглед на разбирлив начин

    Што детето добро совладува, каде има потешкотии и што му помага. Сите информации на еден екран.

Градиме игра за учење, усогласена со наставната програма, што го води детето до вистинско разбирање. Безбедно за детето, со родителот како партнер.

Проект што расте чекор по чекор

Чекор по чекор, во соработка со училиштата, родителите и стручната заедница. Секоја фаза има јасна цел. Моделот е осмислен за лесна примена во различни наставни програми, јазици и држави.

Разговор и соработка

Го претставуваме проектот во основните училишта и заедно со наставниците разгледуваме што добро функционира, како реагираат децата и што може да се подобри.

  • Презентации во основните училишта
  • Средби со наставници и раководства
  • Информативни средби со родители

Придружете ни се

Проектот го спроведуваме заедно со оние на кои децата им се најважни. Добијте повеќе информации со посета на соодветната страница.

Ако сте родител или старател, посетете ја страницата За семејства. Ако претставувате училиште, посетете ја страницата За училишта.

За факултетите и истражувачите

Бараме партнер кој ќе помогне во лекторирањето на едукативната содржина, како и во спроведувањето независна евалуација и етичка ревизија на пилот-проектот. Резултатите од евалуацијата и ревизијата ќе бидат јавно достапни, со цел да обезбедиме транспарентност и отчетност.

Приклучете се

Безбедноста на детето е на прво место

Секоја активност и содржина во проектот е усогласена со македонските и европските стандарди за безбедност на децата и со македонските педагошки стандарди. При користењето на Flip.mk, детето не внесува лични податоци ниту е поттикнувано преку прашања да открива лични информации.

Како функционира

  • Нема отворен разговор. Детето учи преку активности и не пишува слободен текст.
  • Човек ја прегледува содржината пред да стигне до детето. Нема генерирање содржини во моментот.
  • Точноста ја проверува систем со однапред утврдени правила, а не вештачката интелигенција.
  • Детето знае дека водичот во апликацијата не е човек, а водичот не се претставува како другар.
  • Родителска контрола. Сите поставки за учење ги определува и одобрува родителот.

Правила за безбедно користење дома и на час: За семејства · За училишта

Што не е дозволено

  • Реклами и продажни содржини во делот наменет за деца.
  • Известувања и промотивни пораки до децата.
  • Препознавање или проценување на емоции преку глас или камера.
  • Поени што може да се трошат и купување во апликацијата.
  • Оценување со оценки од 1 до 5.
  • Користење на податоците на децата за тренирање модели на вештачка интелигенција.
  • Казни и пораки што предизвикуваат чувство на вина поради пропуштено учење.

Кој стои зад проектот

Носител на проектот

Здружение Астера, Кавадарци

Здружение за социо-културен развој, СТЕАМ едукација и иновации. Го координира проектот и е одговорно за соработката со училиштата и родителите, стручната проверка на образовните содржини, заштитата на децата, евалуацијата и обуките.

ngoastera.org

Технолошки партнер

Пинтек (Pintech Labs), Скопје

Одговорен за развојот и техничкото одржување на дигиталната платформа и мобилната апликација, вклучувајќи хостинг, безбедност и техничка поддршка.

pintechlabs.com

СТЕАМ и дигитално образование

Секој предмет се учи преку истражување, модели и експерименти. Детето учи да размислува, а не само да памети за оценка.

Активни заедници

Пристап за семејствата во социјален ризик и за децата од руралните места. Работилници за родителите и наставниците.

Иновации

Партнерство меѓу невладина организација и технолошка компанија, со јасно поделени улоги и одговорности.

Новости

Тука ги објавуваме презентациите во училиштата, средбите и потпишаните меморандуми.

Првите презентации во основните училишта

Наскоро почнуваме да го претставуваме проектот во училиштата. Сакате да бидете меѓу првите? Пишете ни.

Контактирајте нè

Сакате да организираме презентација во вашето училиште, да дознаете повеќе за проектот или да се вклучите во неговата имплементација? Пишете ни и со задоволство ќе ве контактираме.

  • Здружение Астера, Кавадарци
  • ngoastera.org

Внесете го вашето име.

Изберете една опција.

Внесете важечка е-пошта.

Напишете ни неколку збора.

Потребна е вашата согласност за да ви одговориме.